నవంబర్ 2010 రాశి ఫలాలు
30 అక్టో 2010 అభిప్రాయములు
in శ్రీ-ఫలములు
శ్లో: శ్రీరామచంద్ర: శ్రితపారిజాత: సమస్తకళ్యాణగుణాభిరామ:
సీతాముఖాంభోరుహ చంచరీక: నిరంతరం మంగళమాతనోతు
మేష రాశి: ఆశ్చర్యకరమైన సంఘటనలు చోటు చేసుకునే మాసం ఇది.గతం లో చేసిన పొరపాట్లను సరిదిద్దుకునే అవకాశం లభిస్తుంది.బాగా ఖర్చులు చేస్తారు.సహోద్యోగులతో జాగ్రత్తగా మసలవలసి ఉంటుంది.దూరప్రయాణం చేసే అవకాశం ఉంది.ఆదిత్య హృదయం చదవండి.శనివారం తక్కువ మాట్లాడండి.
వృషభ రాశి: పదోన్నతి పొందుతారు.మిత్రులు సహకరిస్తారు.స్త్రీలు అభివృధ్ధిలోకి వస్తారు.లావాదేవీలు లాభిస్తాయి.నూతన వస్తువుల కొనుగోలు చేస్తారు.కొన్ని విషయాలలో మీ మొండి వైఖరి వలన ఇతరులు బాధ పడతారు. మీరు గతం లో విస్మరించిన వారికి సహాయపడతారు.కలసి వచ్చే సంఖ్య 15.
మిథున రాశి: శత్రువుల మీద విజయం సాధిస్తారు.ఆదాయం బాగుంది.కొత్త పని చేపడతారు.మాసం మధ్య నుండి ఆరోగ్యం మెరుగు పడగలదు. హృద్ రోగం ఉన్న వారు తగు జాగ్రత్తలు తీసుకోవాలి.ప్రేమికులకు మాసాంతం లో మంచి రోజులు. గృహ నిర్మాణం లో ఉన్న వారికి కొన్ని అనుకోని ఇబ్బందులు ఎదురు కావచ్చు.శివాలయం లో అభిషేకం చేయించగలరు.
కర్కాటక రాశి: ప్రయాణాలు మానుకోవటం మంచిది.పాత మిత్రుల కలయిక ఉండగలదు. వ్యాపారస్తులు మాసం చివర నిర్ణయాలు తీసుకోవటం మంచిది.రాజకీయ నాయకులకు కొన్ని అనుకోని విజయాలు సంభవం.జీవిత భాగస్వామి వివేకం వలన కొన్ని సమస్యలకు పరిష్కారం లభించగలదు. పట్టుదలతో కొన్ని పనులను పూర్తి చేస్తారు. కులదైవాన్ని కొలవండి.
సింహ రాశి: భార్యా భర్తల మధ్య విభేదాలు ఉండగలవు.అనవసరమైన విషయం చర్చకు రాగలదు.బాధ్యతలు పెరుగుతాయి.వాహనం మారుస్తారు.బంధువుల నుండి సహాయం పొందుతారు.ప్రభుత్వం నుండి మంచి వార్తలు వింటారు.దంతాల విషయం లో జాగ్రత్త వహించాలి.కలసి వచ్చే వారం సోమవారం.
కన్య రాశి: మంచి నిర్ణయాలు తీసుకుంటారు.సంఘంలో గౌరవం బాగుంటుంది. శ్రమ అధికంగా ఉన్నప్పటికీ పనులలో వితరణ వలన కార్యాలు పూర్తి కాగలవు.సైన్యం లో ఉన్న వారికి బదిలీ ఉండగలదు.భూమి అమ్మాలనుకున్న వారికి మంచి మాసం.కొందరి జోక్యం గురించి విచారన్ణ చేయవలసి ఉంటుంది.శ్రీసూక్తం పారాయణ చేయండి.
తుల రాశి: నేత్ర పరీక్ష చేయించవలసి రావచ్చు.అవివాహితులు వివాహం విషయం లో ఆలోచనలో పడగలరు.మీ చిన్న వారి పట్ల ఏదైనా నిర్ణయం తీసుకునే అంశం ఉంటే కొన్ని రోజులు వాయిదా వేయగలరు.నూతన పరిచయాలు ఏర్పడగలవు. ఉపాధ్యాయులకు గౌరవం లభించగలదు.రాజకీయాలలోని వారికి చిత్రమైన పరిణామాలుండగలవు.విష్ణు సహస్రనామం చదవండి.
వృశ్చికరాశి: గృహ సంబంధమైన విషయాలలో మంచి లాభాలున్నాయి.పనులు పూర్తి కాగలవు.ఆభరణాలు జాగ్రత్తగా కాపాడుకోవలసి ఉన్నది.మీ వాక్చాతుర్యం కొందరిని ప్రభావితం చేయగలదు.కాల్పనికమైన మాటలకు లొంగకూడదు.విదేశీ యానం గురించి ప్రయత్నాలు చేసే వారికి మంచి ఫలితాలుండగలవు.కలసి వచ్చు సంఖ్య 12.
ధను రాశి: తీర్థయాత్రలుండగలవు.ఇంటిలో చిన్న సైజు పోట్లాటలుండగలవు.తోడి కోడళ్ల మధ్య వివాదాలు వింతగా పరిణమించగలవు.మెట్లు ఎక్కేటప్పుడు గానీ దిగేటప్పుడు గానీ జాగ్రత్త వహించాలి.ప్రభుత్వోద్యోగులకు ప్రతిభ నిరూపించే అవకాశాలు బాగుంటాయి.ఆదాయం మెరుగు పడగలదు. దుర్గా సప్తశ్లోకీ చదవండి.
మకర రాశి: వ్యాపారస్తులకు లాభాలు బాగున్నాయి.ఇంటిలో శుభకార్యాలు జరుగగలవు.స్త్రీలకు బదిలీలు ఉండగలవు.మధ్యవర్తిత్వం వలన సమస్యలు తలెత్తగలవు.విద్యార్థులు మంచి ప్రతిభ చూపిస్తారు.వ్యవసాయ రంగం వారికి అలజడులు తప్పవు.కొత్తగా పెళ్లయిన వారికి మంచి పరిణామాలుండగలవు.
కుంభ రాశి:తప్పు ఒప్పుల బేరీజు వేయవలసిన సందర్భం పొంచి ఉన్నది.నూతన ఉద్యోగావకాశం ఉన్నది.విలాసానికి సమయం వెచ్చిస్తారు.మీ మాట అర్థం కాకపోవటం వలన ఇతరులు పనులలో ఆటంకం ఏర్పరచగలరు.ఆదాయం బాగుంటుంది.నాయకులు వారి మీద జరిగే ఆరోపణల పట్ల శ్రధ్ధ వహించాల్సి ఉంటుంది.పిల్లలు మంచి వార్తలు వినిపిస్తారు. హనుమాన్ చాలీసా చదవండి.
మీన రాశి: ఆలోచనల నుండి ఆచరణలోకి రావలసిన మాసం.చిత్రకారులు రాణించగలరు.లాభాపేక్ష లేని వారికి లాభాలు,ఆశ ఎక్కువగా ఉన్న వారికి కొంత నిరుత్సాహం ఈ మాసం విశేషం.కొందరి వైఖరి అర్థం కాకపోవచ్చు.విదేశాల నుంచి మంచి అవకాశాలకు సంబంధించి వార్తలు వినగలరు.పిల్లల భవిష్యత్తు గురించి ఆలోచిస్తారు.ఆదివారాలు కలసి రాగలదు.
సర్వే జనా: సుఖినో భవంతు!
ఓం శాంతి: శాంతి: శాంతి:
~~~***~~~
దృష్టిపూతం …చూసి కూర్చోండి!
30 అక్టో 2010 అభిప్రాయములు
in వార్తాలాపం
ఇటీవల ఒక పెళ్లి నిశ్చయమైన అమ్మాయికి సినిమా హాల్లో కూర్చున్నప్పుడు ఒక సూది గుచ్చుకుంది.దానికి ఒక టాగ్ ఉంది-ఎచ్.ఐ.వి కి స్వాగతం అని దాని మీద ఉన్నది.ఆమె ఆ షాక్ తోనే నాలుగు నెలలలో కన్ను మూసింది.
ఈ కొత్త రకం బాధింపు ప్రారంభమయిందని చాలా చోట్ల చెబుతున్నారు.ఇది ఆట కాదు. ఇలా దొరికిన సూదులన్నీ ఎచ్.ఐ.వి పాసిటివ్ అని వైద్యులు చెబుతునారు.
మిత్రులకు మనవి. సర్వజనిక ప్రదేశాలలో ఒక సారి గట్టిగా పరీక్షించుకోకుండా ఆసీనులు కాకండి.చీకటిగా ఉన్న హాళ్లల్లో,సినిమా ప్రారంభమయిన తరువాత లోనకి వచ్చినప్పుడు చాలా జాగ్రత్త వహించాలి.చాలా తేలికగా ప్రాణాలు తీసే ప్రక్రియ ఇది.
దయ చేసి మిత్రులకు ఈ మాట తెలియజేయండి…
~~~***~~~
ప్రేమ పిచ్చిది కాదు!
28 అక్టో 2010 1 వ్యాఖ్య
in వార్తాలాపం
ప్రేమ వ్యవహారాల మీద ఫంక్షనల్ మేగ్నెటిక్ రెసొనెన్స్ ఇమేజింగ్ కొన్ని విషయాలను చెబుతోంది…
ప్రేమలో పడటానికి మెదడు ఒక క్షణం లోని అయిదవ భాగం సమయం తిసుకుంటుందట! అంతే! అంతా అక్కడే అయిపోతోంది మరి…
ఈ ప్రక్రియలో మెదడులోని 12 ప్రాంతాలు పని చేస్తాయిట-అవి డొపమైన్, ఆక్సీటాసిన్,ఎడ్రినలిన్,వేసోప్రెసిన్, కొకైన్ వంటి మత్తు పదార్థాలను ఒక్క సారి విడుదల చేస్తాయని తెలుస్తోంది…ప్రేమ బలే మత్తు మరి!
ఇది మనిషి మేధా శక్తిని, మెటఫర్ ను ప్రభావితం చేస్తుంది. వర్జినియా ఊనివర్సిటీ వారు న్యూరో ఇమేజింగ్ ద్వారా కనుక్కొన్నదాని బట్టి ప్రేమ అనేది ఆరోగ్యానికి, అవసరం చాలా మంచిది కూడా అని చెబుతున్నారు.
షరతులు లేని ప్రేమ (తల్లి బిడ్డ మధ్య) మెదడులోని మధ్యభాగాన్ని ప్రభావితం చేస్తోందని తెలుస్తోంది. మిగతా రకం రక రకాల భాగాలను ప్రభావితం చేస్తున్నదని చెబుతున్నారు.
ప్రేమలో పడ్డవారిలో నర్వ్ గ్రోత్ ఫేక్టర్ బాగుంటుంది.
మిత్రులారా…ప్రేమ పిచ్చిది కాదు, గుడ్డిది అంతకంటే కాదు.ప్రేమే దైవం…ప్రేమ ఒక శక్తి! కామం ఖచ్చితంగా గుడ్డిది! దాని పర్యవసానాలు వేరు.
~~~***~~~
ఫొటో జవాబు
27 అక్టో 2010 వ్యాఖ్యానించండి
in శ్రీ-సరదాలు!
వెనీస్ వేపొరెట్టో
సరైన సమాధానం ఇచ్చిన వారు:
చదువరి
chaduvari.blogspot.com
ఇటీవలి అభిప్రాయములు