ద రేపిస్ట్!

19 జూలై 2009 అభిప్రాయములు

by srikaaram in Uncategorized

ఒక నర్సింగ్ హోం లో కొద్ది సేపు ఆ మఘ్య నిలబడి ఉన్నాను. నాకు కుడి పక్క ఒక నోటీస్ తగిలించి ఉంది. ఏమిటా అని చదివాను…

‘the rapist will visit the hospital

every thursday between 06.00 and 08.00 hours ‘

చుట్టు ప్రక్కల అటూ ఇటూ చూశాను. ఇదేమిటి? ఎవరు అనుమతిస్తారు వీడిని? అసలు ఎవడు వీడు? సుప్రీం కోర్టు వారు కొత్తగా కొందరిని అనుమతించినట్లు ఇలా ఈ ‘వృత్తిని ‘ కూడా చట్టబధ్ధం చేశారా? ఆశ్చర్యం వేసింది.
ఇది తప్పు అయి ఉంటుంది అనుకుని ఇంకా జాగ్రత్తగా చూశాను.

ఆ నోటీసు ఎవరో రెండు భాగాలుగా చింపి అతికించారు!

(చించేశాడన్నమాట)

The Physio…

the rapist will visit the hospital

every thursday between 06.00 and 08.00 hours ‘

అయితే ‘ద ‘ కీ ‘థెరేపిస్ట్ ‘ పదానికీ కూడా చిన్న గాప్ ఇవ్వటంతో బలేగా మారింది!
ఇంతలో నా వెనుక ఒక ముసలాయన వీల్ చెయిర్ లో వచ్చాడు.
‘ అల్లా చూడక్కరలేదు ‘, అన్నాడు ( గోదావరి వారు అలా..ని అల్లా అంటారు లెండి, అల్లా అన్నమాటండీ! )
ఆయన చెప్పాడు, ‘ వాళ్లు వ్రాసింది కరెక్టే! ఈ తెరేపీ చేయించుకునే వాడికి తెలుస్తుంది ఆ బాధ. శరీరం యావత్తూ అల్లా రేప్ అయిపోతుంది. పైగా ఈ ఎరేపిస్టు ఫిసియో…ద రేపిస్ట్! ఇతను రేపిస్టు ముందు, ఫిసియో తరువాతన్నూ! ‘
నిజమే అనుకున్నాను. స్టివెన్ పూల్ అనే ఆయన భాష యొక్క ‘అనర్థపు ‘ ప్రయోగం మీద ‘ అన్స్పీక్ ‘ అనే పుస్తకం వ్రాశాడు. చాలా మంచి పుస్తకం. ఆయన భాష యొక్క ప్రభావం ఎన్ని విధాలుగా ఉంటుందో సూక్ష్మంగా వివరించాడు. చివరకు తీవ్రవాదం మీద కూడా ఎలా ఉంటుందో చెప్పాడు.
‘స్వ ‘ తంత్రం లో అన్నీ ‘రేపు ‘ లే! ఏమిటంటే భాష ఎవరికి కావాలీ, భావం వ్యక్త పరచటం చాలు అంటూ ముందుకు వెళ్లిపోతారు.
మన రిపబ్లిక్ లో పబ్లిక్ ‘బూతులు ‘ జన సామాన్య భాష అయిపోయాక ఈ తరంలో ఉన్న కుర్రాళ్ల భాష గురించి ఏమి మాట్లాడుతాం?
ఆ మధ్య ఒక ఎడిటర్ గారు ‘ సార్, మీరు ఏదైనా నీతి చెప్పాలనుకున్నా ఒక చిన్న సైజు బూతులో సద్దేయండి సరిపోతుంది ‘ అని చిన్నగా చెప్పాడు.
మాతృభాష ఘోషిస్తోంది సోదరా!
ఈ రోజు ఈ ‘ రేపు ‘ గురించి కొద్దిగా ఆలోచిద్దాం…
~~~***~~~