ఫొటో క్విజ్ 95-వేదాంతం శ్రీపతి శర్మ
30 ఏప్రి 2009 వ్యాఖ్యానించండి
in శ్రీ-సరదాలు!
ఇది ఏమిటి? ఎక్కడున్నది?
What is this and where is this?
ఫొటో క్విజ్ 94-సమాధానం
30 ఏప్రి 2009 వ్యాఖ్యానించండి
in శ్రీ-సరదాలు!
రిత్విక్ ఘటక్ (బెంగాలీ దర్శకుడు, స్క్రిప్ట్ రైటర్-మేఘే ఢాకా తారా ఫేం)
Ritwik Ghatak-Bengali director and Script Writer
(‘ Meghe Dhaka Taara’ fame)
‘చుట్టు చెంగావి చీర ‘-వేదాంతం శ్రీపతి శర్మ
30 ఏప్రి 2009 1 వ్యాఖ్య
in శ్రీ-సరదాలు!
చీరె కట్టుకోవటానికి, చుట్టుకోవటానికి చాలా తేడా ఉందనిపిస్తూ ఉంటుంది. మా ఆఫీసులో ఒక మూల ముగ్గురు మహిళలు కూర్చుని ఉంటారు. పొయ్యి రాళ్లు అమ్ర్చినట్లు ఎవరో వాళ్ల కుర్చీలను సద్దారు. వాళ్లు మాట్లాడుతున్నట్లు అనిపించదు. అంతా నిశ్సబ్దంగా ఉంటే అర్థమవుతుంది.ఏదో ఒక పెద్ద గిన్నెలో అన్నం ఉడుకుతున్నట్లు శబ్దం అవుతూ ఉంటుంది…
ఒక రోజు చీరెలు అమ్ముకునే వాడు ఏకంగా లోపలికి వచ్చాడు.ముగ్గురూ కలసి దాదాపు అన్ని చీరెలూ బయటకు తీసేసారు.’ చుట్టూ ‘ ఉన్న స్త్రీలందరూ పండగ చేసుకున్నారు. గంట, గంటన్నర వ్యవధి దాటింది. ఒక్క చీరె కూడా అమ్ముడు పోలేదు. అతను అన్నీ సద్దేసి నిరాశతో నిలబడాడు.
ముగ్గురిలో ఒక పెద్దావిడ ‘ ఆ నీలం చీరె బాగుంది కానీ నువ్వన్నట్లు అయిదున్నర గజాలుందీ? ‘ అన్నది.
అతను వెంటనే బయటకు తీసి టేబిలు మీద పూర్తిగా పరచాడు. ఆడవాళ్లకి ఉండవలసిన సహనం ఈ దిక్కుమాలిన ఉద్యోగాల వలన చీరెలు అమ్మే వాళ్ల దగ్గరకి వెళ్లిపోయిందనిపిస్తున్నది.(ఈ విషయం మా ఆఫీసులో చాలా మంది స్త్రీలు ఒప్పుకుంటారు కూడా!)
అయినా ఆవిడ ఆ చీరె లెంగ్త్ మీద సందేహం గానే ఉన్నారు. పైగా ఆవిడ బిల్లులు పాస్ చేసే చోట ఉన్నారు. మరి చెకింగు తప్పదు.
కాకపోతే విక్రమార్కుడే వచ్చాడు, మరల నేనే వచ్చాను అని చెప్పేందుకు ఆ చీరెను తన నడుముకు పెట్టి చక చకా ఎంతో అందంగా కట్టేసి నిలబడ్డాడు. వార్ని! నువ్వురా మగాడివి అనుకున్నాను!
ఇంతలో ఆ ముగ్గురు మహిళలూ ఎందుకో లేచి నిలబడ్డారు. హాలంతా నిశ్శబ్దం కమ్ముకుంది. ఇటు తిరిగాను. పై ఆఫీసరు గారు ద్వారం దగ్గర నిలబడి ఉన్నారు. ద్వారం తెరచియే ఉండెను. చీరెల వాడికి ఆ సంగతి తెలియదు. తన ‘ చుట్టు ‘ కౌశలానికి ముగ్ధులై ఇలా ఈ అతివలు అలా నిలబడిపోయారా అనుకుని ఒక్కింత విస్మయంతో చీరె కుచ్చిళ్ల వైపు, తన వైపు పలు మార్లు చూసుకుంటున్నాడు. ఆఫీసర్ గారు ఆలోచిస్తున్నారు. విచిత్ర వేష ధారణలో ఉండి అటు తిరిగి నిలబడిన ఈ వ్యక్తి ఎవరై ఉంటాడా అని చూస్తున్నాడు.
అతను పట్టించుకోవటం లేదు. ‘ చూడండి మేడం! చూడండి…చక్కగా సరిపోతుంది…’
ఆఫీసర్ గారు లోనకి వచ్చారు.
‘ ఏమి చీరె ఇది? ‘
అతను చీరె తీసేశాడు.
‘ సార్, చుట్టు చెంగావి చీర! అలా చుట్టి చూపించాను సార్.’
‘ ఎప్పుడెప్పుడు వస్తూ ఉంటావు? ‘
‘ నెలకి ఒక సారి సార్! మేడం గార్లు…’
‘ ఎవరు రానిస్తున్నారు?’
‘ ఎవరూ…రావద్దనలేదు సార్!’
‘ ఇక పైన రాకు!’
‘ సార్! డబ్బులు ‘
‘ నాకనవసరం!’
‘ మరి నెలసరి వాయిదాలు…’
‘ ఈ వ్యాపారం కూడా ఉందా?’
‘ మంచి చీరెలు సార్! షాపులో దొరకవు సార్!’
ఆయన చుట్టూత చూశాడు.
‘ రెండు కొంటే…’
‘ వాయిదా వడ్డీ లేదు. ఆరు నెలలు…’
మహిళల వైపు తిరిగాడు.
‘ బాగుందా?’
‘ ఏమిటి సార్?’
‘ చీర?’
‘ బాగుంది సార్.’
ఆఫీసర్ గారు ఆయన రూము వైపుకు నడిచారు.
అందరూ గాలి పీల్చుకున్నారు.
ప్యూన్ వచ్చాడు. చీరెల వాడి దగ్గరకు వచ్చాడు.’ ఏయ్…’
‘ ఎల్లి పోతున్నాలే…’
‘ కాదు. సార్ ఆయన రూములోకి రమ్మంటున్నారు!’
~~~***~~~
ఫొటో క్విజ్ 94-వేదాంతం శ్రీపతి శర్మ
29 ఏప్రి 2009 1 వ్యాఖ్య
in శ్రీ-సరదాలు!
ఈయన ఎవరు?
Identify this person
ఫొటో క్విజ్ 93-సమాధానం
29 ఏప్రి 2009 వ్యాఖ్యానించండి
in శ్రీ-సరదాలు!
‘ ఒలంగళ్ ‘-బాలు మహేంద్ర తమిళ సినిమా (పూర్ణిమా జయరాం, అమోల్ పాలేకర్)
‘OLANGAL’-Tamil movie by Balu Mahendra
artistes-Purnima and Amol Palekar
30 ఏప్రిల్ 2009-గ్రహాలు ఎలా ఉన్నాయి?
29 ఏప్రి 2009 వ్యాఖ్యానించండి
30 ఏప్రిల్ 2009-ఈ రోజున 107 నియోజక వర్గాలలో కీలకమైన ఎన్నికలు జరుగనున్నాయి. ముఖ్యంగా గుజరాత్, మధ్య ప్రదేశ్, ఉత్తర ప్రదేశ్ , బిహార్, కర్ణాటక, మహారాష్ట్ర, వెస్ట్ బెంగాల్ ఇలాంటి చోట కీలకమైన పోలింగు ఉంటుంది. దీనితో 372 నియోజక వర్గాలలో ఎన్నికలు ముగుస్తున్నట్లే!
పంచాంగం ఇలా ఉంది-స్వస్తిశ్రీ చాంద్రమాన విరోధి నామ సంవత్సర వైశాఖ శుధ్ధ షష్ఠి,గురువారం, పునర్వసు నక్షత్రం, ధృతి యోగం, తైతుల కరణం.
కర్ణాటక :
గురు, శని, బుధ, చంద్రులు ప్రధానంగా రాణిస్తున్నారు. దేహాంతర్దశలు చూద్దాం:
5.55-10.56 గురువు
10.56-4.54 శని
4.54- బుధుడు
ఈ రోజు శుక్రుడు, గురువు, శని, బుధుల వలన పారిజాత యోగం ఏర్పడినది. వీటిలో ఎప్పటి లాగే మరల శని చేతి లోకి పగ్గాలు తీసుకున్నాడు.
ఉదయం 11 వరకు అధికార పార్టీకి ఎక్కువ శాతం పోలింగు జరగ వచ్చు. ఆ తరువాత వైపరీత్యం కనిపిస్తున్నది. మధ్యాహ్నం మూడు గంటల సమయానికి కొన్ని అవాంచనీయమైన సంఘటనలు జరుగవచ్చును. జె. డి.ఎస్ తన పరిస్థితి మెరుగు పరచుకో గలదని ఒక సూచన ఉన్నది.
దక్షిణ కర్నాటకలో కాంగ్రెస్ కు లాభాలు ఎక్కువగా ఉన్నప్పటికీ ఈ రోజు యావత్తూ అధిక శాతం గురు ప్రభావం, శని ప్రభావం కనిపించుట వలన ఆ పార్టీ అనుకున్నంత మంచి పరిణామాలు సాధించలేక పోవచ్చును.
స్వతంత్ర అభ్యర్థులు ముందుకు రానున్నారు!
గుజరాత్ గురించి తరువాయి టపాలో చర్చిద్దాం…
ఫొటో క్విజ్ 93-వేదాంతం శ్రీపతి శర్మ
29 ఏప్రి 2009 వ్యాఖ్యానించండి
in శ్రీ-సరదాలు!
ఇది ఏ చిత్రం లోని దృశ్యం?
Identify this movie.
‘దండలు-దండాలు ‘-వేదాంతం శ్రీపతి శర్మ
29 ఏప్రి 2009 1 వ్యాఖ్య
in శ్రీ-సరదాలు!
చాలా కాలం క్రితం కళ్యాణ మంటపం చూసి బుక్ చేయాలని తిరుగుతున్నాను. నాలుగైదు చూశాక ఒక హాల్లోకి వెళ్లి కొద్ది సేపు చర్చించి బుక్ చేసి ఇవతలకి వస్తుండగా అప్పుడే ఒక పెళ్లి పార్టీ బస్సులోంచి దిగి చాలా హడావుడిగా లోపలికి వచ్చేశారు. కొద్ది సేపు నిలబడి అక్కడ అరేంజ్మెంట్స్ కూడా ఒకే సారి చూసి వెళ్లవచ్చని మూలగా జరిగాను. వాళ్లు సద్దుకోవటం మొదలు పెట్టాక గేటు వైపుకు నడిచాను. వీపు మీద గట్టిగా చెయ్యి ఒకటి పడింది. వెనక్కి తిరిగాను.ఒక పెద్దాయన కళ్లజోడు సద్దుకున్నాడు.
‘ రెండు దండలు-టు గార్లేండ్స్-అర్జెంట్!’
‘ సార్, నేను…’
‘ కాదు నాన్నా…అక్కడే కొందామంటే ఒప్పుకోలేదు. ఇక్కడికి వచ్చాక కొందామన్నారు. ఒకళ్ల మాట ఒకరికి లేదు. అంతా నాన్సెన్స్, న్యూ సెన్సే!. కుర్రాడివి. ఇదిగో, చిటికెలో వస్తావు!…’
చెప్పి వెళ్లిపోయాడు. అలా చూస్తుండగా వెనక్కి తిరిగాడు. ‘రెండు చాలు. టు…టు గుడ్ గార్లేండ్స్!’
ఆలోచిస్తుండగా ఇటు ప్రక్క ఇద్దరు వృధ్ధులు నవ్వుతున్నారు.’ నిన్నటి నుంచీ చూస్తున్నాను కదా! ఈ కాలం కుర్రాళ్లు మాట వినటం లేదు. ఇతను చూడు. అసలు వినాలా వద్దా అని ఇంకా ఆలోచిస్తున్నాడు!’
‘ కరెక్ట్! మన రోజులలో పరుగులు తీసే వాళ్లం. వేస్ట్!. దండగ!’
‘ తెమ్మంది రెండు దండలు!’
నేను ఏదో చెప్పబోయాను. వాళ్లు వెళ్లిపోయారు.
ఇదెక్కడి గొడవ అని అటు తిరిగాను.
నాకు పని అప్పజెప్పిన ముసలాయన ఒక ముసలావిడకు దూరం నుంచి నన్ను చూపిస్తున్నాడు. అంటే అదిగో ఆ మనిషి ఇప్పుడే తెస్తున్నాడు అని చెబుతున్నాడన్న మాట.
చుట్టూతా ఎవరైనా కుర్రాళ్లు కనిపిస్తారేమోనని చూశాను. ఎవరూ లేరు. వీళ్ల బాధ తట్టుకోలేక ఎవరూ రాలేదనుకున్నాను. అక్కడ చూస్తే ముసలావిడ నడుము మీద చేయి వేసింది. ముసలాయన నన్ను చూస్తున్నాడు. కదలడేమిటి అని ఆయన కళ్లజోడు లోంచి ప్రశ్నిస్తున్నాడు. లాభం లేదని ఇటు తిరిగి నడక ప్రారంభించాడు.
బయటకు వచ్చేశాను. ఎందుకో దగ్గరలో ఉన్న పూల షాపు వాడిని అడిగాను,’ నయనా, దండలు…’
వాడు కొట్టు చూపించాడు.
తప్పదనుకుని అక్కడికి వెళ్లి రెండు మంచి దండలేకొని హాల్లోకి వెళ్లాను. ఆ పెద్ద మనిషి కనిపించలేదు. ఈ పెళ్లిలో మన చేతుల మీదుగా దండల కార్యక్రమం-మంచిదే! మనకీ శుభసూచకం అనుకున్నాను. ఒక పెద్దావిడ వచ్చింది.
‘ పొద్దున చెబితే ఇప్పుడా పంపటం?’, అన్నది.
మారు మాట్లాడకుండా చేతికి ఇచ్చాను.
‘ ఇంకేమి కావాలి? పొద్దున్నే ఇచ్చాంగా డబ్బులు?’
తెరచిన నా నోరు అలానే ఉండి పోయింది.
వెనక్కి తిరిగి పిచ్చ స్పీడులో గేటు బయతకు వచ్చాను.
ఇంతాక వ్యాఖ్యలు చేసుకున్న ఇద్దరు వృధ్ధులు అక్కడ టీ తాగుతూ కబుర్లు చెప్పుకుంటున్నారు. నేను బండీ మీద కూర్చో గానే ఒకాయన నా మీద చేయి వేశాడు.
‘ నేను ఇంకేమీ తేను!’
‘ అది కాదు నాయనా! ఇంకేమీ వద్దు!’
‘ నేను వెళతాను.’
‘ అదేంటీ? ఇంతకీ నువ్వెవరు నాయనా?’
‘ తెలియదు.’
‘ ఆ…’
‘ నిజం! అస్సలు తెలియదు! ఇంటికి వెళ్లి కనుక్కుంటాను! ‘
బండీ స్టార్ట్ చేశాను.
~~~***~~~
ఇటీవలి అభిప్రాయములు