శ్రీ-పదములు

ఫొటో క్విజ్ 35-వేదాంతం శ్రీపతి శర్మ

24 Feb 2009 అభిప్రాయములు

by srikaaram in శ్రీ-సరదాలు!

మన దేశం లోని ఒక నగరాన్ని డిసైన్ చేసిన ఇతని పేరేమిటి?

Identify this architect who designed an Indian city

ఫొటో క్విజ్34-సమాధానం

24 Feb 2009 వ్యాఖ్యానించండి

by srikaaram in శ్రీ-సరదాలు!

ఇది త్రిపురాంతకం
This is Tripurantakam

కొంత వేదాంతం-వేదాంతం శ్రీపతి శర్మ

23 Feb 2009 1 వ్యాఖ్య

by srikaaram in శ్రీ-రచనలు

కొద్ది కాలం క్రితం పుణె లోని కాలేజ్ ఆఫ్ మిలిటరీ ఇంజినయిరింగ్ కాపస్ లో నా మిత్రుడితో కొద్ది రోజులు గడిపాను. రాత్రి మెస్ లో భోజనం చేస్తున్నప్పుడు అక్కడ చదువుకుంటున్న కెప్టెన్ రాంకు వాళ్లు కొందరు మాతో కూర్చునే వారు. నన్ను సరదాగా కాళ్లూ చేతులూ చూసి భవిష్యత్తు చెప్పమనే వారు (కాళ్లు చూడలేదు లెండి!). మీకెందుకండీ, మీరు ఆర్మీ లోని వారు, అన్నాను. అప్పుడు ఒకాయన అదే కాంపస్ లో జరిగిన కథ ఒకటి చెప్పాడు. ఇలాగే నలుగురూ రాత్రి చాలా సేపు కూర్చున్నారు. చివరకు ఒకాయన సెకండ్ షో సినిమాకి వెళదాము అన్నాడట. ఆలోచించి అందరూ మోటార్ బైకుల మీద బయలు దేరారు. ఎందుకో అసలు మొదలు పెట్టిన వ్యక్తి కొంత ముందుకు వెళ్లి ‘ నేను రాను, నాకు వెళ్లిపోవాలని ఉన్నది ‘ అన్నాడుట. చాలా సేపు ఏమైంది అని చర్చించి చివరకు అతన్ని సరే వెళ్లమని వాళ్లు అటు రోడ్డు ఎక్కారు, ఇతను ఇటు వెనక్కి తిరిగాడు. అంతే! పెద్ద శబ్దం వినిపించింది. వెనక్కు చూస్తే అతన్ను లారీ గుద్దేసింది…పాపం అంతలోనే ఎక్కడికో వెళ్లిపోయాడు!

~~~***~~~

హెన్రీ ఫోర్డ్ ఒక చోట వ్రాశాడు-నాకు 26 సంవత్సరాల వయసు ఉన్నప్పుడు పూర్జన్మ సిధ్ధాంతాన్ని పట్టుకున్నాను. మన పనిలోని అనుభవాన్ని మరో జన్మలో వాడుకోలేకపోతే మనకి ఈ పనులు ఎందుకు? పునర్జన్మను కనుక్కున్నాక నాకు ఒక సార్వజనికమైన సత్యం కనిపించింది. సమయం ఎంత ఉంది అనేది నన్ను ఇక బాధించలేదు. ఈ జన్మలో కొందరు వారి వయసు కంటే పెద్ద వారు-కారణం, వారు గత జన్మలనుంచి చాలా తిసుకుని వస్తున్నారు!

~~~***~~~

జ్యోతిష శాస్త్రం ఈ జన్మ గురించే చెప్పదు. ఒక చక్రంలో ఉన్న 360 డిగ్రీలు 120 చొప్పున గత జన్మ, ఈ జన్మ, మరు జన్మ గురించి చెబుతాయి. కాకపోతే ఇది లీనియర్ గా మూడు 120 లు కాదు. కలసి పోయి ఉంతుంది. అంటే ఈ జన్మలో గత జన్మలోని ముద్రలు, రాబోవు జన్మలోని తరంగాలు అందంగా ఇమిడి ఉంటాయి!
ఇది మామూలుగా ఎప్పుడన్నా అనుభవించవచ్చును గదా అని ఒక మిత్రుడు నన్ను అడిగాడు. వచ్చు…అన్నాను!

ఎప్పుడైనా ఏ కారణం లేకుండా ఏ వార్తా వినకుండా ఆనందం కలిగిందా? అలాగే ఏ సమస్యా లేకుండా ఆందోళన కలిగిందా? కలిగి ఉండవచ్చును.
అది ఈ రెండిటికీ సంబంధించినది. ఒక్కో సారి కొన్ని చోట్లకు వెళ్లినప్పుడు ఇక్కడికి ఎప్పుడో వచ్చాను అనిపిస్తుంది. ఒక వ్యక్తి అంటే తెలియకుండానే ఆప్యాయత, లేదా అయిష్టం ఏర్పడవచ్చును. ఇవన్నీ ముద్రలు, తరంగాలే!

~~~***~~~

ఒకరు మీ మధ్యలో ఉన్నప్పటికీ అతనిని గుర్తు పెట్టుకునే ఉంటూ గుర్తించకుండా ఉండటం, ఒకరిని మరచిపోయి కూడా విస్మరించకుండా ఉండటం-ఇది ఒక ఊగుడు బల్ల లాంటి విన్యాసం…ప్రయత్నించండి. చేయగలిగితే రెండూ చేయగలరు. లేకపోతే ఏదీ చేయలేరు!

అందుచేత ఈ జన్మలోని సమయాన్ని వృధా చేయవలసిన పని లేదు. సత్కర్మయే తదుపరి కర్మను చేయమని ప్రేరేపిస్తుంది. సూర్యోదయం ముందు నిద్ర లేచి చూస్తే ఒక సత్కర్మ మన ముందు ఉంటుంది. సత్కర్మల చేత దుష్కర్మ ఘర్మమును మాయం చేసే అవకాశం లేకపోతే వేదం సూర్యుడు కర్మలను చేయమని ప్రేరేపిస్తాడు అని ఎందుకు చెబుతుంది?
అందు చేత జీవన యానం, ఆత్మ ప్రయాణం-ఈ రెండూ ఊగుడు బల్ల మీద ఉండగా రెండిటినీ బాలెన్స్ చేసే ఫల్క్రం కర్మయే గానీ మరొకటి కాదు!

~~~***~~~

ఫోటో క్విజ్34-సమాధానం

23 Feb 2009 అభిప్రాయములు

by srikaaram in శ్రీ-సరదాలు!

ఇది త్రిపురాంతకం
This is Tripurantakam

చిరంజీవి గారికి 2009లో ఎలా ఉంది?

22 Feb 2009 1 వ్యాఖ్య

by srikaaram in శ్రీ-జ్యోతిషం

చిరంజీవి గారు 22 ఆగస్ట్ ఉదయం 10.10 గంటలకు నర్సాపురం లో జన్మించినట్లు తెలుస్తున్నది.
చిత్త నక్షత్రం, కన్య రాశి, తుల లగ్నం ,శుభ యోగం.

ఈ వివరాలు సరైనవి అయితే ఒక విశ్లేషణ చేసి చూద్దాం:

మంచి ఆదర్శాలు, ముందుకు దూసుకుపోయే గుణం, ఆకట్టుకునే కళ్లు చెప్పదగిన లక్షణాలు.

ఊపిరితిత్తుల సమస్యలు ఉండవచ్చు. జాగ్రత్త వహించాలి.
మానవ సంబంధాలలో మంచి అవగాహన, న్యాయం కోసం పోరాడే గుణం, కొద్దిగా ముందుచూపు…ఇలాంటివి బాగున్నాయి. చాలా సార్లు సహజమైన తర్కానికి దూరంగా ఆలోచనలు సాగిపోతాయి!

యోగకారకుడైన శని లగ్నంలో ఉచ్చ రాశిలో ఉండటం విశేషం. మంచి ఆత్మ విశ్వాసం కనబరుస్తారు.కొన్ని అవకాశాలు జారవిడుచుకోవటం కనిపిస్తున్నది.

చిన్నతనంలో ఆరోగ్యం కొద్దిగా ఇబ్బంది పెట్టిందేమో అనిపిస్తున్నది.

రెండులో రాహువు ఉన్నప్పిటికీ గురు దృష్టి వలన సమస్య అంతగా లేదు. తృతీయాధిపతి దశమంలో ఉండుట చేత సోదరులందరి వలనా లబ్ధి పొందే జాతకం. వారు కూడా అభివృధ్ధి చెందగలరు (గురువు కర్కాటకంలో ఉచ్చ రాశిలో ఉన్నాడు)

శని చతుర్థాధిపతి కావటం వలన ప్రజల మధ్య మాట్లాడేటప్పుడు కొద్దిగా సమస్యలను ఎదుర్కొంటున్నట్లు తెలుస్తున్నది. అలాగే శని పంచమాధిపతి కూడా అయి లగ్నంలో ఉండటం వలన ప్రజలు ఈయన దగ్గర న్యాయం కోరుతున్నారని తెలుస్తున్నది. ఈయన న్యాయం ఇవ్వగలడని కూడా చెప్పవచ్చును!

తాత్వికపరమైన, మతపరమైన విషయాలలో శ్రధ్ధ కొద్దిగా తగ్గినట్లు చెప్పవచ్చును.

నవమాధిపతి ఏకాదశంలో మిత్ర రాశిలో ఉండటం ఈయనకు అద్భుతమైన యోగం-ఎంతో పవర్, పేరు, మంచి మిత్రుల వలన లాభం ఇలాంటివి ఉన్నాయి. కాకపోతే స్వస్థానంలో ఉన్న రవి, మిత్ర రాశిలో ఉన్న కుజుడు బుధునితో కలవటం వలన వేధ సమయంలో మిత్రులు- వారు మోసం చేసే అవ్కశాలు ఉన్నాయి…

చదువుకున్న వారి పట్ల గౌరవం, వారి శ్రేయస్సు కోసం శ్రమించటం కూడా కనిపిస్తున్నాయి. సుఖమయమైన దీర్ఘాయుష్షు ఉన్నది. చేపట్టిన కార్యాలలో ఊహించని విధంగా మంచి ఫలితం దొరకగలదు. ఈయనను నిలబెట్టేది ఈయన క్లీన్ ఇమేజ్! జాతకంలో ఆదర్శాలను పణంగా ఏ రోజూ పెట్టరని తెలుస్తున్నది. ఇది చెప్పుకోదగ్గ విషయమే!

ఈయన కనిపించేదానికి భిన్నంగా ఒంటరితనాన్ని కోరుకునే వ్యక్తి!

~~~***~~~

ఇదంతా ఒకెత్తు. దశదిశలను చూద్దాం.

1977లో గురు మహర్దశ ప్రారంభమినది. గురువు ఈ లగ్నానికి మిత్ర గ్రహం కాకపోయినా దశమాంలో ఉచ్చ రాశిలో యుండుట చేత ఈయన వృత్తి పునాదులను నాటుకున్నది-ఉగ్రం గల పాత్రలు, అలాగే విలన్ పాత్రలు పోషించారు. ఇదేంటి? గురువు కదా ఇలా ఎందుకు జరిగింది అంటే అదే జ్యోతిషం లోని విచిత్రం. గురువు అందరికీ శుభ గ్రహమే! దశమం కర్మ స్థానం. అది ముందుకు పనికొచ్చే కర్మయే ఆ గ్రహం యొక్క అనుకూలత, ప్రతికూలతను బట్టి చేయిస్తుంది…
1979 నుంచి జనవరి 1982 వరకు కొన్ని అనుకోని సంఘటనలు జరిగి ఉండవచ్చును. అలాగే ఆంతరంగిక ఆలోచనా విధానాలలో ఒక సంచలనమైన మార్పు కూడా ఏర్పడి ఉండవచ్చును.ఈయనలోని అసలు హీరో శని. గురువు కాదు. శనియే రాజకీయాలలో కూడా సత్ఫలితాలను ఇవ్వబోతున్నాడు!
1982 నుంచి డిసెంబర్ 1988 వరకు ఎదురు లేని వ్యవహారం. కానీ గురు మహర్దశలోని చివరి భాగం-కుజ, రాహు భుక్తులలో సినిమాలు రాణించకపోవటం కనిపిస్తున్నది.
మే నెల 1993 నుంచి శని మహర్దశ ప్రారంభమైనది. ఈ సమయంలో రాజకీయాలలోకి వెళ్లాలనే ఆలోచన వచ్చి కూడా ఉండవచ్చును. ఆహ్వానాలు కూడా వచ్చి యుండవచ్చును. కాకపోతే అప్పటి గోచారం లో రాహు, గురువుల స్థితులు దోహద పడలేదు.

ప్రస్తుతం రాహు మహర్దశలో ఈయన రాజకీయాలలోకి ప్రవేశించారు. ఈ ప్రవేశం అందుచేత కొన్ని అవాంఛిత సంఘటనలతో జరిగినది. జాతకంలోని యొగాలతో పార్టీ పెట్టిన ముహూర్తాన్ని జక్స్టపోస్ చేసి పెట్టలేదనిపిస్తున్నది. జాతకుని లగ్నానికీ, ముహూతంలోని లగ్నానికీ సామాన్యంగా ఇటువంటప్పుడు వేధ అనేది ఉండకూడదు.

ప్రస్తుతం శని మహర్దశలోని రాహువు భుక్తిలోని శుక్రుని ప్రత్యంతర్దశలో బుధుని సబ్ పీరియడ్ లో ఎన్నికలు జరుగబోతున్నాయి. కానీ 28 ఏప్రిల్ 2009 తరువాత జరిగే ఎన్నికల తేదీలు లాభసాటిగా ఉండగలవు…

గోచారం చూస్తే గురువు పంచమంలో నీచ అయి రాహువుతో అవయోగంలో ఉన్నాడు. శని ద్వాదశంలో ఏలినాటి శని ప్రారంభంలో ఉన్నాడు. కేతువు ఏకాదశంలో ఉన్నాడు. శని మహర్దశ (శని ఉచ్చ రాశిలో ఉన్నా యోగకారకుడై ఉన్నా అతని మహర్దశలో ఉన్నా ఏలినాటి శని అనుకోని యోగం ఇవ్వగలదు!)

ఇదీ పరిస్థితి.

ఈయనకు కాలసర్ప దోషం ఉన్నది. ఇది శ్రీకాళహస్తిలో నివారణ ఇప్పటి వరకూ చేయించకపోతే ఇప్పుడైనా చేయించుకుంటే ఇది యోగంగా మారగలదు. సామాన్యంగా రాహువు లేదా కేతువు దశలో ఈ నివారణ చేయించటం జరుగుతూ ఉంటుంది. ఇప్పుడు నడుస్తున్నది రాహువు భుక్తి.

మరో సారి పునరావలోకనం చెస్తే చిరంజీవి గారికి ఆయన ప్రాంతంలో, అనుకోని విధంగా ఉత్తరాంధ్రలో మంచి లాభాలు కనిపిస్తున్నాయి. నేను మునుపు చెప్పినట్లు ఎన్నికల తేదీలు తుది నిర్ణయం చెప్పగలవు!

కొద్దిగా జాగ్రత్తగా పరిశీలిస్తే ఎక్కువ మంది పోటీలలో ఉన్న చోట్ల ఈయనకు విజయం కనిపిస్తున్నది. ఇతరులు సీట్ల అద్జస్ట్మెంట్లు చేసుకోకపోతే గెలుపు ఈయనది. ఎన్నికల తరువాత ఎవరు ఎవరిని సపోర్ట్ చేస్తారో తేల్చుకోలేకపోతే కూడా గెలుపు ఈయనదే!

చిరంజీవి గారు దుర్గా సప్తశతి పారాయణ చేస్తూ నీలం రంగు స్కార్ఫ్ ధరిస్తే మరో సారి పొలిటికల్ తెర మీద జెండా ఎగురవేయ గలరు!

(ఇవి రచయిత జ్యోతిషపరంగా చెప్పిన వ్యక్తిగతమైన అభిప్రాయాలు మాత్రమేనని అందరికీ సవినయంగా మనవి!)

22.02.2009 నుంచి 28.02.2009 వరకు రాశి ఫలాలు-వేదాంతం శ్రీపతి శర్మ

22 Feb 2009 వ్యాఖ్యానించండి

by srikaaram in శ్రీ-ఫలములు

శ్లో: శ్రీరామచంద్ర: శ్రితపారిజాత: సమస్త కళ్యాణగుణాభిరామ: సీతాముఖాంభోరుహ చంచరీక: నిరంతరం మంగళమాతనోతు!

22.02.2009 నుంచి 28.02.2009 వరకు రాశి ఫలాలు

ఈ వారం గ్రహ స్థితి ఇలా ఉంది-గురు, బుధ, రాహు, కుజులు మకరం లో,రవి కుంభం లో, శుక్రుడు మీనంలో, శని సింహంలో , కేతువు కర్కాటకంలో, చంద్రుడు మకర, కుంభ, మీన రాశులలో సంచరిస్తారు.

ఈ గ్రహస్థితి మంచి యోగాలను సూచిస్తున్నది. కొన్ని దుర్ఘటనలు సంభవించవచ్చును. ఒక మతపరమైన గురువు గారు వార్తలలోకి ఎక్క వచ్చును. రాజకీయ నాయకులకు మంచి ఉత్సాహకరమైన వారం. స్త్రీల మధ్య విభేదాలు, బంధువుల మధ్య మనస్పర్థలు కనిపిస్తున్నాయి.

మేష రాశి: ఎన్నో పనులు చేయటానికి ముందుకు వస్తారు. నూతన ఉత్సాహం చూపిస్తారు. ఖర్చులు బాగానే చేస్తారు. దైవ దర్శనం లాభిస్తుంది. ఆదిత్య హృదయం చదవండి.

వృషభ రాశి: ఆర్థిక లావాదేవీలు లాభిస్తాయి.ఇంటిలో మరమ్మత్తులు చేపాతారు. దూరపు బంధువు ఇంటికి రావ్వచ్చును. ఈ గురువారం ఒక మంచి వార్త వింటారు. శ్రీసూక్తం పారాయణ చ్గేయండి.

మిథున రాశి: మీ అనుచరులు మీ నుంచి చాలా కోరుకుంటున్నారు. బాధ్యతలు పెరుగుతాయి. ఆరోగ్యం విషయంలో శ్రధ్ధ వహించాలి. వారాంతంలో ప్రయాణం సంభవం. దుర్గా సప్తశ్లోకీ చదవండి.

కర్కాటక రాశి:మీ వ్యవహారం ఎందుకో చాలా మందికి అర్థం కాదు. దానికి మీ వింత చేష్టలే కారణం! మనసు విప్పి మాట్లాడండి. సమస్యలు దూరమవుతాయి. విదేశాలలో ఉన్న వారు జాగ్రత్త వహించాలి. విష్ణు సహస్రనామం పారాయణ చేయండి.

సింహ రాశి: నీరసం బాధిస్తుంది. ఉద్యోగాలలో మార్పులు జరుగవచ్చును. మీ పై వారితో జాగ్రత్తగా మసలుకోవాలి. ఆదాయం వ్యయం సమానంగా ఉంటాయి. మౌనం వహించండి. అతిశయం ప్రదర్శించటం మంచిది కాదు. సుబ్రహ్మణ్య కవచం చదవండి.

కన్య రాశి: కొత్త పనులకు మంచి వారం. కళలు, సాంస్కృతిక రంగం లోని వారికి మంచి అవకాశాలు లభిస్తాయి. ఆర్థిక విషయాలు ఆశాజనకంగా ఉంటాయి. శ్రీసూక్తం పారాయణ చేయండి.

తుల రాశి: పట్టుదలలు పెరుగుతున్నాయి. సన్నిహితులు దూరమవుతున్నారు. చింతించకండి. ఇంటిలో దొంగతనాలు జరుగవచ్చును. జాగ్రత్త వహించండి. శివునికి అభిషేకం చేయించండి.

వృశ్చిక రాశి: మీరు వ్రాసిన ఒక లేఖ సమస్యలను తెచ్చి పెట్టగలదు. ఏదైనా సంతకం చేసే ముందు రెండు సార్లు చదవండి. ఊపిరి తిత్తుల సమస్య ఉన్న వారు శ్రధ్ధ వహించాలి. గోవునకు గ్రాసం వేయండి.

ధను రాశి: డబ్బు, పెట్టుబడుల విషయంలో ఎంతో ఆలోచన అవసరం. కొద్ది కాలం మార్కెట్ కు దూరం గానే ఉండటం మంచిది. వివాదాలలో తల దూర్చకండి. వాహన యోగం ఉన్నది. నృసింహ స్వామిని ఆరాధించండి.

మకర రాశి: ఆరోగ్యం మెరుగు పడుతుంది. గృహ నిర్మాణాలలో ఉన్న వారు జాగ్రత్తలు వహించాలి. వాహనాలు నడిపే వారు సాహసాలు చేయ కూడదు. ఋణాలు అందుతాయి. విష్ణు సహస్రనామం పారాయణ చేయండి.

కుంభ రాశి: ప్రజల మధ్య ఉన్న వారికి మంచి అవకాశాలు కనిపిస్తున్నాయి. మీ మాటలు ఎంతో గౌరవాన్ని తెచ్చి పెడతాయి. ముందు చూపు లాభిస్తుంది. ఇంటి దొంగలతో జాగ్రత్త వహించాలి. హనుమాన్ చాలీసా పఠించండి.

మీన రాశి: అన్ని విషయాలలో ఈ వారం చాలా బాగుంది. పదోన్నతి సంభవం. మీ ఆలోచనలు సరైనవే. ముందుకు వెళ్లండి. స్త్రీలు ఎక్కువ శ్రమించకూడౌ. ఒంటి కణత నెప్పి బాధించగలదు. లలితా సహస్రనామం చదవటం గానీ వినటం గానీ చేయండి.

ఈ వారం మంచి మాట:

శ్లో: మనోహి హేతు: సర్వేషామింద్రియాణాం ప్రవర్తనే
శుభాశుభాస్వవస్థాసు తంచ మే సువ్యవస్థితం

(వాల్మీకి రామాయణం, సుందర కాండ-11.42)

అన్ని ఇంద్రియములలో శుభాశుభ పరిస్థితుల వైపు ప్రేరేపించునది మనస్సే. కాని ఆ నా మనస్సు పూర్తిగా స్థిరముగా ఉన్నది. ( రావణుని స్త్రీలను సందర్శించిన సమయంలో ఆంజనేయుడు తనకు తాను చెప్పుకున్న మాట!)

ఓం శాంతి: శాంతి: శాంతి:

ఆరోగ్యభాగ్యచక్రం-వేదాంత శ్రీపతి శర్మ

22 Feb 2009 వ్యాఖ్యానించండి

by srikaaram in శ్రీ-జ్యోతిషం

ఆరోగ్యభాగ్యచక్రం-నా శీర్షిక లోని 31వ భాగం లో ఈ రోజు ఆదివారం ఆంధ్ర ప్రభలో ఎనీమియా మీద జ్యోతిష సంబంధ విషయాలు చర్చించటం జరిగింది. గమనించగలరు.

ఫొటో క్విజ్ 33-వేదాంతం శ్రీపతి శర్మ

22 Feb 2009 అభిప్రాయములు

by srikaaram in శ్రీ-సరదాలు!

ఇది స్వాతంత్ర్య సమరం లోని ఏ ఘట్టం?
This portrays which episode of the Indian National Movement?